Baza ushtarake amerikane në Irak është qëlluar me 14 raketa, sipas një njoftimi të kolonelit Wayne Marotto, një zëdhënës i Koalicionit Ndërkombëtar kundër Terrorizmit në Irak.

“Rreth orës 12:30, baza ajrore Ain al-Assad u sulmua me 14 raketa. Raketat prekën bazën dhe perimetrin e saj por sistemet e mbrojtjes u aktivizuan menjëherë”.

Sipas informacioneve paraprake raportohet për tre të plagosur.

Ky është sulmi i fundit në një seri sulmesh që tani janë bërë rutinë kundër bazave ushtarake të SHBA-së në Irak. Baza Ain al-Assad në pjesën perëndimore të provincës Anbar tashmë ishte shënjestruar nga tre raketa të hënën dhe disa orë më vonë ambasada amerikane në Bagdad u kërcënua nga një dron që më pas u rrëzua.

Rocket attack on Ain al-Assad military base that houses US troops.
Two soldiers have been wounded, coalition spokesperson confirmed.#Iraq https://t.co/l7tO7M2wvS

— Baxtiyar Goran ☀️ (@BaxtiyarGoran) July 7, 2021

Gjithsej janë kryer 49 sulme që nga fillimi i vitit kundër bazave të SHBA-së në Irak, ku 2.500 trupa amerikane janë vendosur si pjesë e Koalicionit Ndërkombëtar kundër Terrorizmit.